Guru Urang

Di kulon basisir kidul pasosore langit semu angkeub

Di lebah dinya aya teuteup jeung imut

Teuteup nu matak nyeredet kana hate

Di lebah dinya rasa sono nu kungsi paanggang patepung deui

 

Di basisir laut kidul silih teuteup ku kakatineung

Di basisir laut kidul silih baledog imut kamelang

Di basisir laut kidul silih patarema kawaas

Di basisir laut kidul silih mantengkeun rasa kanyaah

 

Di basisir laut kidul teuteup jeung imut anjeun moal laas ku jaman

Teuteup jeung imut nu eta moal bisa nembongan deui

Sanajan ombak silih udag taya reureuhna

Waktu nu eta geus kalimpudan ku waktu

 

Di basisir kidul silih simbeuhan ku cai kaasih

Di basisir kidul silih udag ku kanyaah

Di basisir kidul urang patepung keur papisah

Jung geura lumaku

 

Bral geura lumampah

Tuh saksina galura sagara anu teu eureun silih udah

Tuh saksina karang anu rongkah ting jungkiring

Tuh saksina angin au ngahiliwir mawa tiis kana hate

 

Kade ulah salah lengkah, ti ayeuna ka hareup anjeun kudu bisa

Leumpang sorangan, kade poho kecap papatah nu kamari

Bral geura miang, imut anjeung matri dina ati anaking.

Tinggalkan Balasan

Alamat email Anda tidak akan dipublikasikan.