Manusa Sunda Neangan Jalan

Manusa Sunda neangan jalan

hirup anyar anu endah

hirup endah nu can karampa

tapi pasti bakal dating

 

Tata lawas taya tempat keur anjenna

najan alus teu kapake

Manusa Sunda ngalelebah poe engke

adat lawas geus diruang anu anyar can kateang

 

Satengahing jalan

sagala dirampa

unggal barang diajaran

dirasa ku rasa

 

dipake ku hate

henteu pageuh henteu udar

Mun baheula:

aya tatangga hilang – riab pada neang

 

aya orok di jarian – jadi catur eusi lembur

aya parawan mendeyang – unggal mojang kaisinan

bungah deungeun bungah kuring

sedih kuring dibantuan

 

Kiwari:

nu lian tilar – teu jadi sual

bayi diruang – teu aneh

can rimbitan geus orokan – teu kudu era

sewang-sewangan

mantuan jadi jasa nu wajib dibayar

Tinggalkan Balasan

Alamat email Anda tidak akan dipublikasikan.