Sajak Bahasa Sunda (Halodo Teuing Ku Panjang)

Langit keur jongjon leleson

Kabaribinan nu récétna sora manuk

Nu panting geleber di buruanana

Néwakan hiliwir angin

Ubar awak nu bayeungyang

 

Sabot nguniang manuk geus nyarumput mantén

Kana dahan tatangkalan anu ranggas teu daunan

Akarna nanceb kana dada bumi

Nu nyongkéré dina gawir , teu walakaya

Tikoro garing halabhab kabina-bina

 

Langit ngan ukur ngaheruk

Lain teu surti réa nu geus butuheun ku cai

Tapi teu bisa majar kumaha najan geus lila tatahar

“ti kami mah ngan karicur” ceuk langit sorana dareuda “ngan panonpoé can kénéh méré paréntah”

 

Pannpoé teu tarima disalahkeun

Muncereng bari ngahaok , “sidik kami keur nganti-nganti panitah!”

Suorana ngahéab panas

Manjangkeun halodo nu beuki teuas

 

 

Karya : Yayat Héndayana

Tinggalkan Balasan

Alamat email Anda tidak akan dipublikasikan.