Sajak Bahasa Sunda (Layon Pahlawan)

aya raga ngajepat, layon pahlawan

dadana ngudawang tepak pakarang

getih beurem ngalembereh

rang rang masehan jagat pertiwi

kapalidkeun hujan subuh

campur jeung remis janari

 

aya raga ngajepat, layon pahlawan

panona peurem, beungetna anteng

sesa imut ngalangkang sela biwirna

naha anjeun bangun iklas

apan eta dada sakitu racana

tepak lengen karaman

nu teu aya rasrasan

 

nya ka mana kuring kudu mawa layon anjeun

pang rerehna tacan kaburu dijieun

lantaran perang nu teu euren euren

 

aya layon ngajepat, layon pahlawan

di simbutan ibun subuh

di amparan taneuh ka dedeuhh

juuh cimata kareuus

 

baca oge nusanesna>>>>Drama bahasa sunda

baca oge nusanesna>>>>Paguneman bahasa sunda

baca oge nusanesna>>>>Puisi bahasa sunda

Tinggalkan Balasan

Alamat email Anda tidak akan dipublikasikan.