Sajak Bahasa Sunda (Meri)

Di alam dunya

Asana moal aya

Nu bisa hirup sauyunan

Cara meri saabrulan

 

Mun nu ngangon nitah ka katuhu

Bring ngatuhu

Mun nu ngangon nitah ka kenca

Bring ngenca

 

Bari disarada:

Wek wek wek!

Di alam dunya

Asana moal aya

 

Nu bisa hirup basajan

Cara meri saabrulan

Dahar cukup saaya-aya

Kumaha nu rek maraban

 

Mun keur diabur

Lolodok di sawah batur

Bari disadara:

Wek wek wek!

 

Ku: Apip Mustopa

Tinggalkan Balasan

Alamat email Anda tidak akan dipublikasikan.