Dampal leungeun nu katuhu
nu kénca oge nya kitu
ditangkubkeun ka palupuh
disodorkeun keur ngariung
ditunjukan bari imut
ditetel-tetel ku curuk
kawihna lagu nu matuh
dikawihkeun ku lulugu:
“Pacici-cici putri
térélék kembang celempung
ada nona ada tuan
kalau mau kembang apa?”
“Hayang kembang Kamuning!”
“Hoyah, ari balik nungtun munding!”
Nu ngariung surak kabéh
gogonjakan suka bungah.