Sajak Sunda “Budak Pa Puji”

Saha éta, panon hideung irung mancung

Naon éta, sura seuri teu paruguh

Kuring téh istri, budakna Pa Puji

Anjeun saha, ih duka teuing

Ulah baong, ulah jail

Bisi dibejakeun ka Pa Puji

Ulah anéh ulah sura-seuri

Bisi dibejakeun ka Pa Puji

Anjeun?

Oh anjeun…

Aya naon, bade naon?

Gening anjeun datang teu mawa nanaon

Sok anjeun gera nyarita

Anjeun nyarita

Cenah cinta nu dibawa

Haté kuring teu nyangrupa, reuwas kacida

Oh anjeun…

Kuring téh istri, budakna Pa Puji

Ulah méngkol ka ditu ka dieu

Bisi dibejakeun ka Pa Puji

 

 

Yasana : Wilda Nur Diansari

 

Tinggalkan Balasan

Alamat email Anda tidak akan dipublikasikan.