Sisindiran Bahasa Sunda Cinta

samangka seeur bijina

Dijual di pasar kemis

Eta saha nu didinya

Meuni seeur nu gareulis

 

Aya lauk disusukan

Di useup na ku mang ali

Moal weleh digombalan

ku anjeun kaum lalaki

 

Ka cilembu meser ubi

Ubi na karasa madu

Hoyong terang saha nami

Ameh tiasa I love you

 

Jalan-jalan ka cikadu

Ka cikadu naek sado

Duh meuni langsung I love you

Da pasti akang mah omdo

 

Plesiran ka kota banten

Ka banten ningali debus

Eneng meuni teu percanten

Da cinta akang mah ciyus

 

Masak gule ngangge jinten

Nggeunah na kabina-bina

Sanes abdi teu percanten

Kahoyong na mah buktos na

 

Mun pareng rek ka cilawu

ulah poho mawa baki

nu geulis tungkusan kalbu

hayu urang lakirabi

(tah buktos na)

 

Ka cianjur mawa jalak

Ka cianjur mawa ekek

Ka batur mah abdi nolak

Ka akang ge moal daek

 

Ka pasar mawa keresek

Pasar na di ramayana

Upami neng moal daek

Akang oge moal maksa

(ceurik***)

 

Didieu loba kaliki

Hanjakal teu baruahan

Didieu loba lalaki

Hanjakal teu aruyahan

 

Di cipanas loba bawang

Bawang na bawang nu ngora

Neng tong sok kitu ka akang

Akang mah pejuang cinta

 

Di arab mah seeur onta

Onta na teh mawa keusik

cenah mah pejuang cinta

Mun ditolak langsung ceurik

 

Kalapa bodas jerona

Tiasa di jieun pati

Haturnuhun sadayana

Enjing pasti tepung deui

Tinggalkan Balasan

Alamat email Anda tidak akan dipublikasikan.