Surat Ti Nandang

Surat Ti Nandang

(Rachmat M. Sas. Karana)

 

Jalan ka imahna, tingjarentul

batu koral batu taringgul

Di buruan kembang srangéngé

leuwih keri batan nu ligar na haté

 

Ayeuna urang ukur dédéngéeun

hariring alon nu hideung santen

Ayeuna urang ukur deungdeuleueun

imut leleb nu ngageterkeun angen

 

Mun ngahaja nganjang deui

tong miharep aya koran pabalatak

Buku-buku diampihkeun kana laci

lantaran manéhna geus mangku budak

(Dicutat tina Tepung di Bandung)

Tinggalkan Balasan

Alamat email Anda tidak akan dipublikasikan.