Tarawangsa

Tarawangsa

Ku Toni Lesmana

 

Peuting meuleum sajak

Dina paruuyan

Kebul-kebul

Taraje ka alak paul

 

Wirahma langit

Jeung bumi, Sanget temen

Nu mangkat

Angseu taneuh jeung seungit matapoe

Dijentreng-jentreng

Dikeset-keset

 

Kacapi parahu waktu

Rebab pangwelah rasa

Ditengah laut igelan, Reundeuk

Ulah teuing di panteng

Sina ngangkleng, kleung

Ieung, kuring palid ka mama boa

Nyawang jangjang pulas panen

Aya nu usik, boa karembong

Leungeun-leungeun gaib

Ngaleng batin, Ngajak lumampah

Mapay-mapay galengan implengan

Sapanjang bulan purnama

 

Bae, Nyai Sri

Ieu kuring, ieu asih

Tinggalkan Balasan

Alamat email Anda tidak akan dipublikasikan.